ಮಾರ್ಚ್ 27, 2026

ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧ ಪರಿಸ್ಥಿತಿಯ ನಡುವೆ, ಇರಾನ್ ತನ್ನ 83ನೇ ಕ್ಷಿಪಣಿ ಮತ್ತು ಡ್ರೋನ್ batch ನ ದಾಳಿಯ ಸಮಯದಲ್ಲಿ ಕೆಲವು ಕ್ಷಿಪಣಿಗಳ ಮೇಲೆ “Thank you India” (ಧನ್ಯವಾದಗಳು ಭಾರತ) ಎಂಬ ಬರಹಗಳನ್ನು ಹಾಕಿರುವುದು ವರದಿಯಾಗಿದೆ.


ಈ ಕುರಿತು ಕೆಲವು ಚಿತ್ರಗಳು ಮತ್ತು ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದ್ದು, ಅವುಗಳಲ್ಲಿ ಕ್ಷಿಪಣಿಗಳ ಮೇಲಿನ ಈ ಬರಹಗಳು ಸ್ಪಷ್ಟವಾಗಿ ಕಾಣಿಸುತ್ತವೆ ಎಂದು ಹೇಳಲಾಗುತ್ತಿದೆ.

ಕೆಲವು ವರದಿಗಳ ಪ್ರಕಾರ, ಇದೇ ರೀತಿಯ ಸಂದೇಶಗಳು ಭಾರತ ಮಾತ್ರವಲ್ಲದೆ ಜರ್ಮನಿ, ಸ್ಪೇನ್ ಮತ್ತು ಪಾಕಿಸ್ತಾನ ಸೇರಿದಂತೆ ಇತರ ದೇಶಗಳ ಹೆಸರಿನೊಂದಿಗೆ ಕೂಡ ಕಂಡುಬಂದಿವೆ.

ಆದರೆ, ಈ ಬರಹಗಳು ಕಾಣಿಸಿಕೊಂಡಿರುವುದು ಕೆಲವು ದೃಶ್ಯಗಳಲ್ಲಿ ಮಾತ್ರ ದೃಢಪಟ್ಟಿದೆ.ಆದರೆ ಇದು ಯಾವುದೇ ಅಧಿಕೃತ ಸರ್ಕಾರಿ ಘೋಷಣೆ ಅಥವಾ ನೀತಿ ಅಲ್ಲ.ಭಾರತದಿಂದ ಈ ವಿಷಯಕ್ಕೆ ಸಂಬಂಧಿಸಿದಂತೆ ಯಾವುದೇ ಅಧಿಕೃತ ಪ್ರತಿಕ್ರಿಯೆ ಅಥವಾ ಬೆಂಬಲ ವ್ಯಕ್ತವಾಗಿಲ್ಲ.

ತಜ್ಞರ ಪ್ರಕಾರ, ಈ ರೀತಿಯ ಬರಹಗಳು ಯುದ್ಧದ ವೇಳೆ ಬಳಸುವ ಪ್ರಚಾರಾತ್ಮಕ (propaganda) ಅಥವಾ ಮನೋವೈಜ್ಞಾನಿಕ ತಂತ್ರಗಳ ಭಾಗವಾಗಿರಬಹುದು.
ಇದರ ಮೂಲಕ ಕೆಲವು ದೇಶಗಳ ಜನರ ಬೆಂಬಲವನ್ನು ತೋರಿಸುವ ಪ್ರಯತ್ನ ಮಾಡಲಾಗುತ್ತದೆ.

ಒಟ್ಟಿನಲ್ಲಿ ಕ್ಷಿಪಣಿಗಳ ಮೇಲೆ “ಧನ್ಯವಾದಗಳು ಭಾರತ” ಎಂಬ ಬರಹಗಳು ಕಂಡುಬಂದಿರುವುದು ವರದಿಯಾದರೂ, ಅದು ಭಾರತದ ಅಧಿಕೃತ ನಿಲುವನ್ನು ಪ್ರತಿನಿಧಿಸುವುದಿಲ್ಲ. ಈ ಘಟನೆಗೆ ಹೆಚ್ಚಿನ ಸಂದರ್ಭ ಮತ್ತು ಪರಿಶೀಲನೆ ಅಗತ್ಯವಿದೆ.