ಗ್ರೀನ್‌ಲ್ಯಾಂಡ್‌ಗೆ ಯುರೋಪಿಯನ್ ಸೇನೆ ನಿಯೋಜನೆ; ಪಶ್ಚಿಮದ ದೇಶಗಳಲ್ಲಿ ತಲ್ಲಣ!

ಗ್ರೀನ್‌ಲ್ಯಾಂಡ್‌ಗೆ ಯುರೋಪಿನ ಹಲವು ದೇಶಗಳು ಸೈನಿಕರನ್ನು ಕಳುಹಿಸಿರುವುದು ಅಂತರರಾಷ್ಟ್ರೀಯ ತೀವ್ರ ಮಟ್ಟದಲ್ಲಿ ಚರ್ಚೆಗೆ ಕಾರಣವಾಗಿದೆ. 

ಡೆನ್ಮಾರ್ಕ್‌ ಆಹ್ವಾನದ ಮೇರೆಗೆ ನ್ಯಾಟೋಗೆ ಸೇರಿದ ಯುರೋಪಿಯನ್ ರಾಷ್ಟ್ರಗಳು ಜಂಟಿ ಸೈನಿಕ ಅಭ್ಯಾಸ ಮತ್ತು ಭದ್ರತಾ ಸಹಕಾರದ ಭಾಗವಾಗಿ ಈ ರೀತಿ ನಿಯೋಜಿಸಿರುವುದಾಗಿ ಹೇಳಿಕೊಂಡಿವೆ.

ಅಧಿಕಾರಿಗಳ ಹೇಳಿಕೆಯ ಪ್ರಕಾರ, ಇದು ಯುದ್ಧದ ಉದ್ದೇಶದಿಂದ ಕೈಗೊಂಡಿರುವ ಕ್ರಮವಲ್ಲ, ಬದಲಾಗಿ ಆರ್ಕ್ಟಿಕ್ ಪ್ರದೇಶದ ಭದ್ರತೆ, ಲಾಜಿಸ್ಟಿಕ್ಸ್ ಮತ್ತು ರಕ್ಷಣಾ ಸಿದ್ಧತೆಗಳ ಪರಿಶೀಲನೆಗಾಗಿ ಕೈಗೊಳ್ಳಲಾಗಿದೆ. ನಿಯೋಜಿಸಲಾದ ಪಡೆಗಳು ಸೀಮಿತ ಸಂಖ್ಯೆಯಲ್ಲಿದ್ದು, ಕೇವಲ ರಕ್ಷಣಾತ್ಮಕ  ಉದ್ದೇಶ ಹೊಂದಿದೆ ಎನ್ನಲಾಗಿದೆ.

ಇದರ ನಡುವೆಯೇ, ಗ್ರೀನ್‌ಲ್ಯಾಂಡ್ ಕುರಿತು ಅಮೆರಿಕ ನೀಡಿರುವ ಹೇಳಿಕೆಗಳು ರಾಜತಾಂತ್ರಿಕ ಉದ್ವಿಗ್ನತೆಯನ್ನು ಹೆಚ್ಚಿಸಿವೆ. ಡೆನ್ಮಾರ್ಕ್ ಮತ್ತು ಯುರೋಪಿಯನ್ ನಾಯಕರು ಗ್ರೀನ್‌ಲ್ಯಾಂಡ್ ತನ್ನ ಸ್ವಾಯತ್ತತೆ ಮತ್ತು ಸಾರ್ವಭೌಮತ್ವವನ್ನು ಕಾಯ್ದುಕೊಳ್ಳಲಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಪರಿಸ್ಥಿತಿಯ ಮೇಲೆ ನ್ಯಾಟೋ ಮತ್ತು ಅಂತರರಾಷ್ಟ್ರೀಯ ಸಮುದಾಯ ನಿಗಾ ವಹಿಸಿದ್ದು, ಆರ್ಕ್ಟಿಕ್ ಪ್ರದೇಶದ ಭದ್ರತೆ ಜಾಗತಿಕ  ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ.